Бузурел телефонунун хуну

Бөгүн, май 17-де, Бүгү делегейниң уругларның бүзүрел телефонунуң хүнүн демдеглеп турар

Чаңгыс аай 8-800-2000-122 деп дугаарлыг Россияның уругларның «Бүзүрел телефону» Тывага 2010 чылдың октябрь 1-де ажылдап эгелээн.

Тускай белеткелди эрткен профессионал психологтар дыштаныр хүн чокка дүне-даа, хундус-даа бичии уругларга, элээдилерге, аныяктарга, чонга телефон дамчыштыр психологтуг халас дузаны чедирип турар

Бүзүрел телефону школачылар аразында нептереңгей апарган. Бодун дүвүредип чоруур айтырыын чугаалаары эпчок, ыянчыг болу бергенде, эш-өөрү, башкылары-биле чөрүлдээлер, ада-иениң талазындан деткимче албайн барганда, чаңгыс аай күрүне шылгалдарының үезинде уруглар бо телефонче хөй долгап турарлар.

Россия Федерациязының девискээринде уругларга бүзүрел телефону 24 шак дургузунда доктаамал ажылдап турарын сагындыраал. Кандыг-даа телефондан долгаарга, халас. Долгап турар кижи бодунуң адын адавайн, чажырып барып болур.

Уругларга бүзүрел телефону – ада-иелерге болгаш уругларга дүрген психологтуг дуза чедирер албан.